Ёшларимиз Осиё чемпионатига йўлланма олишди

Ўйиннинг 4-дақиқасида вакилларимизнинг илк хавфли ҳужуми, чап қанотдан. Ўринбоев - Азимов комбиси Сардорнинг паси билан тугади. Сидоров охиригача курашди. 6-дақиқада Акрам Афиф уч нафар ҳимоячимизни чалғитиб, хавфли ноаниқ зарба берди.14-дақиқада Акрам Афиф жарима майдончамизга кириши билан Отахоновга тегиб, йиқилиб тушди. Саудиялик бош ҳакам Фаҳад ал-Мирдасий ўйинни давом эттирди. 23-дақиқада Акрам Афиф чап қанотдан жарима майдони ичига кириб бориб дарвозани ишғол қилди - 1:0.

32-дақиқада камсонли ҳужумларимиздан бири тўп рақиб ҳимоячилари назорати остида майдонни тарк этиши билан тугади. Нормуродовнинг омади келмади. 45-дақиқада Нажмиддин Нормуродовнинг "пушка"дан учиб чиққандек зарбаси дарвоза устунидан анча беридан ўтиб кетди.

56-дақиқада Акрам Афиф ўзига нисбатан ишлатилган қўполлик учун белгиланган пенальтини аниқ амалга оширди - 2:0. 67-дақиқада бурчак зарбаси амалга оширдик. Азимовнинг пасидан сўнг Элдор Шомуродов бош билан зарба берди. Баланд, анча баланд. 85-дақиқада ҳисоб қисқарди. Жарима майдони ичига ошириб берилган тўпни Забиҳилло Ўринбоев боши билан дарвозага йўллади - 2:1. Учрашув мана шу ҳисоб билан тугади ва иккала жамоа Осиё чемпионатига йўлланмани қўлга киритди.



Қатар U19 - Ўзбекистон U19 - 2:1
Гол: Акрам Афиф, 23 - 1:0.Акрам Афиф, 56 пенальти - 2:0.
Забиҳилло Ўринбоев, 85 - 2:1.
Қатар U19: 1. Юсуф Ҳасан 3. Салаҳ Ал Яхри, 5. Серигне Тиам, 6 Абдулазиз Маҳмуд, 8 Аҳмад Доозандех, 10. Акрам Афиф, 11. Жассим Ал Жалабий 12. Жасим Муҳаммад, 17. Жассим Ал Шаммарий (Абдулла Ал Ахрак, ), 18. Ассим Мадибо, 21. Носир Ал Наср (Муаз Яҳё, 46).
Ўзбекистон U19:  Шерзодбек Абдураимов, Достонбек Турсунов, Аббос Отахонов, Улуғбек Худойбердиев, Азизбек Мамазоитов, Нажмиддин Нормуродов, Жавоҳир Соҳибов (Миржамол Қосимов, 67), Дурбек Камолов (Мақсуд Маҳмудов, 60), Сардорбек Азимов, Забиҳилло Ўринбоев, Андрей Сидоров (Элдор Шомуродов, 46).