Ёшлар лигаси. "Бунёдкор" қолдирилган ўйинда "Насаф"ни енгди
04 jul 2017 07:46
News
![](https://championat.asia/upload/storage/262508_original.jpg)
![](/upload/storage/262508_220.jpg)
Ёшлар лигаси. "Бунёдкор" қолдирилган ўйинда "Насаф"ни енгди
Учрашув биринчи бўлими тенг курашлар остида кечди. Дастлабки бўлимнинг эсда қоларли вазиятларидан бири 36-дақиқада содир бўлди. Алишер Саноев посбон Умиджон Эргашев билан бирга-бир ҳолатда дарвозага йўллаган зарбаси тўсинга тегиб қайтди.
45-дақиқада ёшла ҳам имкониятдан фойдалана олишмади. Дилшод Саитовнинг ўткир бурчакдан дарвозага йўллаган зарбаси ноаниқ бўлди.
Биринчи бўлимда ҳисоб очилмади.
Иккинчи бўлим бошида “Бунёдкор” ёшлари таркибида бирдан учта ўзгариш бўлди. Бу ўзгаришлар орқали майдонга тушган ўйинчилар ўз жамоаси ўйинини кучайтира олишди.
Учрашувнинг 62-дақиқасида Расул Юлдашев гол уриб, жамоасини ҳисобда олдинга олиб чиқди – 1:0.
Ёшлар таркибида бўлган ўзгаришлар ҳам жамоа ўйинини кучайтирган бўлсада, яратилган имкониятлардан самарали фойдалана олишмади. Айниқса 75-дақиқада Алфайзи Неъматов ҳисобни тенглаштиришга жуда яқин бўлди. Унинг дарвозага йўллаган зарбаси ноаниқ йўналиш олди. Агар бу ўйинчи дарвозага тўпни тўғри йўналтирганда, “Бунёдкор” ёшлари посбони тўпни қайтара олмасди. У вазиятдан узоқроқда қолиб кетган эди.
Учрашувнинг 82-дақиқасида орадаги ҳисоб 2:0га ўзгарди. Ёш “қалдирғочлар”нинг бу голини Жаҳонгир Абдусаломов киритди – 2:0.
Ёшлар лигаси, 3-тур қолдирилган учрашув
“Бунёдкор” (Тошкент) – “Насаф” (Қарши) 2:0 (0:0)
03.07.2017. “Бунёдкор” академияси. 18:00да
Ҳакамлар: Дмитрий Клепиков, Хусниддин Баҳодиров, Жалолиддин Нажмиддинов, Ойбек Калахўжаев (барчаси Тошкентдан)
Назоратчи: Ибрагим Шарипов (Бухоро)
Гол: Расул Юлдашев, 62’-1:0, Жаҳонгир Абдусаломов, 82’-2:0.
“Бунёдкор”: 1.Элдор Адхамов, 2.Абубакр Муйдинов, 3.Бурхон Усмонов (6.Сардор Мадраҳимов 85), 9.Фаррух Икромов (7.Жавоҳир Эсонқулов 46), 10.Нодирбек Мавлонов (с), 11.Расул Юлдашев, 15.Сухроб Иззатов (30.Иброҳим Ғофуров 63), 16.Алишер Саноев (14.Зиёвуддин Ахадов 46), 54.Отабек Бекбоев, 71.Миржаҳон Мирахмадов (19.Жаҳонгир Абдусаломов 63), 77.Сардорбек Азимов (8.Азамат Розиқов 46).
Захира: 25.Жавоҳир Қиличев.
“Насаф”: 1.Умижон Эргашев, 4.Жўрабек Маннонов, 6.Сирожиддин Қўзиев (43.Алфайзи Неъматов 63), 7.Дилшод Саитов, 9.Дилшод Хушбаков, 15.Ғолиб Ғайбуллаев (с), 19.Шерзод Насруллаев, 20.Акмал Мозговой, 22.Акмалжон Олимов (38.Худоёрхон Сагдуллаев 83), 28.Сардор Саъдуллаев, 32.Наврўзжон Саидов (14.Жаҳонгир Қурбонбоев 67).
Захира: 30.Музаффар Шарипов, 16.Анвар Ҳусанов, 33.Шоҳруҳ Неъматов, 35.Алижон Ахматов.
Огоҳлантириш: Акмалжон Олимов (64).
Similar news
![AMP Logo](https://championat.asia/image/logo-amp.png)
Comments