Йўғе?! МЮ мураббий сотиб олмоқчи

Аргентиналик - ёзда манкунианлар устози бўлиш учун асосий номзод бўлиб турибди. Айни дамда клуб жамоани вақтинча бошқариб турадиган мутахассис изламоқда.

Маълумотларга кўра, Почеттино ва "шпорлар" ўртасида тузилган битимда товон пули кўрсатилмаган. "Тоттенхэм" "Реал" ва "Манчестер Юнайтед"га мураббий борасида музокара ўтказмаслигини бир неча маротаба маълум қилган.

МЮ аргентиналик мутахассисни олиб келиш учун "шпорлар" ҳисобига Почеттинонинг 4 йиллик маошини - 34 млн. евро ўтказиб бериши керак бўлади. "Тоттенхэм" устози ёзда клуб билан янги битим тузган эди. Мураббийнинг 5 йиллик шартномасидаги мавсумий маоши 8.5 млн. евро.

Почеттинонинг ўзи "Тоттенхэм" ёзда футболчи сотиб олмаганидан хафа. Шу сабабли у жамоани тарк этиши мумкин.