Яя Туре «Сити»дан кетмоқчи, клуб унга нисбатан ҳурматсизлик қилди
20 may 2014 08:20
News

Яя Туре «Сити»дан кетмоқчи, клуб унга нисбатан ҳурматсизлик қилди

«Манчестер Сити» ярим ҳимоячиси Яя Туре клубни тарк этмоқчи, бу ҳақда унинг агенти Дмитрий Селюк айтиб ўтди.

«Яя жуда хафа ва клубдан кетмоқчи. Бир қатор сабаблар бор. Ҳозир у ЖЧга бор эътиборини қаратиши керак. Аммо «Сити» унга нисбатан ҳурматсизлик қилди.

Улар муносабатлар сотиб олинмаслигини тушунишмайди. Гап шартномада эмас, гап инсонийлик ҳақида, «Сити» футболчини ҳурмат қилмаслигини кўрсатди.

Таъкидлаб ўтаман: пулларнинг умуман алоқаси йўқ. «Барселона»га қайтиш учун камроқ маошга ҳам рози бўларди», – дейди Селюк.

Селюкнинг айтишича яқинда Дубайга бўлган сафар давомида «Манчестер Сити»дан ҳеч ким Яя Турени туғилган куни билан табрикламаган. 13 май куни африкалик футболчи 31 ёшга тўлди.

Link :

Source : sports.ru

Receive latest football news directly on your phone. Subscribe for our Telegram channel!

Rating: