Latest news

17:16Расман: Ўзбекистон U-23 терма жамоаси Осиё Кубогига чиқди!  0 17:08Ўзбекистон Эрон устидан қийин ғалабага эришиб, CAFA мусобақаси ғолибига айланган ўйиндан ГАЛЕРЕЯ  0 16:56U-23 Осиё Кубоги саралаш босқичи. Ўзбекистон Фаластинни қийинчилик билан мағлуб этди  49 16:36"Бухоро" "Навбаҳор" билан ўйинни уйида ўтказади  2 16:15МТЖ дарвозабонлар мураббийи: "Кападзенинг шартномасини билмайман, аммо мураббийлар штабининг шартномаси ЖЧ-2026 якунига қадар амал қилади"  3 15:47Эрон терма жамоаси мураббийи: "Бош ҳакамнинг қарорлари фақат Эрон зарарига бўлди. Қирғизистон ҳам ҳакамдан жабр кўрганди"  16 15:19Меҳди Тареми: "Ёмон воқеалардан сабоқ олиш сизни ривожлантиради"  13 14:51Тонали Гаттузо ҳақида: "У менга айтган ҳамма нарсани қадрлайман"  2 14:23Ла Лигада август ойининг энг яхши мураббийи маълум  0 13:40"Атлетик" футболчиси антидопинг қоидасини бузгани учун 10 ойга дисквалификация қилинди  2 13:11Инфантино Эрон АҚШдаги ЖЧда қатнашишига кафолат берди  3 12:45Эшитдик-да! "Бунёдкор" "Олимпия" стадионида ўйнайди  9 12:21"Истиқлол" бош мураббийи Ашурматов ва Машариповнинг жароҳати ҳақида тўхталди  1 11:52Жанни Инфантино: "Шавкат Мирзиёевнинг футболга бўлган муҳаббати сўнгги икки йил ичида янада кучайганини кўриб хурсанд бўлдим"  5 11:25Эронлик эксперт: "Юсуфи майдондан тўғри четлатилди, Алижонов ва пенальти бўйича қарор ҳам ўринли, бироқ..."  45

"Яшнобод" стадиони қурилишида Натко компанияси билан ҳамкорлик қилинади News

"Яшнобод" стадиони қурилишида Натко компанияси билан ҳамкорлик қилинади

Пойтахтимизнинг Яшнобод туман ҳокимлиги ташаббуси билан ташкил этилган “Яшнобод” футбол жамоаси Ўзбекистон миллий чемпионати ПРО лигасида ўзининг дебют мавсумини ўтказмоқда.

Гарчи, яшнободликлар илк маротаба мамлакат миқёсидаги мусобақада қатнашаётган бўлсалар-да, ўзларининг ёрқин ўйинлари билан мухлис ва мутахассислар эътиборини қозонаётганлиги шубҳасиз. Айниқса, жамоа аъзолари Ўзбекистон кубоги — 2019 баҳсларида чиройли ўйинлар кўрсатганлиги аҳамиятлидир. Амалдаги мавсумда Азизжон Файзиев шогирдлари ПРО лига вакиллари орасида супер лига жамоасини мағлубиятга учратган ягона клуб сифатида тарихдан жой олди.

Буларнинг барчаси аввало Яшнобод туман ҳокимлиги ва хомийларнинг “Яшнобод” жамоаси учун шарт-шароитлар яратишга алоҳида эътибор бераётганлиги билан белгиланади. Яшнободликлар машғулотларни тумандаги 198-сонли умумтаълим мактаби стадионида ўтказса, уй учрашувларини “Яккасарой” спорт мажмуасида ўйнаб келмоқда.



Келгусида футболчилар учун замонавий шарт-шароитлар яратишни ўз олдига мақсад қилган Яшнобод туман ҳокимлиги яқинда яна бир амалий ишга қўл урди. Туман ҳокими Хожиакбар Тиллашайхов ташаббуси билан “Яшнобод” жамоаси учун сунъий қопламали футбол майдони ва машғулотлар базаси барпо қилинадиган бўлди.

Бугун Яшнобод туман ҳокимлигида туман ҳокими Хожиакбар Тиллашайхов мазкур лойиҳа бўйича дунёга машҳур HATKO SPORTS TECHNOLOGIES CORP компанияси вакилларини қабул қилди.



— Юртимиз истеъдодли ёшларга бой, — деди Хожиакбар Камолиддинович. — Мақсадимиз — келгусида уларни тарбиялаш, иқтидорли ёшларни кашф этиш учун шарт-шароитлар яратишдан иборат. Ташкил топганига эндигина бир йилдан ошган “Яшнобод” жамоамиз мамлакат миллий чемпионати ПРО лигасида қатнашмоқда. Футболчиларимиз эришган натижалар билан ҳали мақтанишга эрта. Бунинг учун аввало футбол клуб ўз инфраструктурасига эга бўлиши лозим. Кейин биз жамоа олдига жиддий вазифалар қўйсак ярашади. Шуни ҳисобга олиб, “Яшнобод” профессионал футбол клубига замонавий қароргоҳ барпо этамиз. Бу борада бизга катта тажрибага эга HATKO SPORTS TECHNOLOGIES CORP компаниясини тавсия қилишди. Сунъий қопламали футбол майдони билан биргаликда бу масканда 30 ўринли ётоқхона, машғулотлар майдончалари, ювиниш ва ечиниш хоналари, тренажёрлар ҳамда автотураргоҳ ҳам бунёд этилади. Янги стадион ўз бағрига уч минг томошабинни сиғдира олади. Ишонаманки, яратиладиган замонавий шароитдан сўнг, туманимиз шарафини ҳимоя қилаётган жамоамиз миллий чемпионатда ҳам ўз мавқеига эга бўлади ва мухлислари сафи янада кенгаяди.



Туман ҳокими ҳамроҳлигида компания вакиллари янги спорт иншооти қурилиши мўлжалланган манзилга ташриф буюришиб, янги лойиҳа бўйича зарур чора-тадбирлар хусусида маслаҳатлашиб олишди.

— Замонавий шароитларга эга футбол клубининг келажаги порлоқ бўлиши табиий, — дейди HATKO SPORTS TECHNOLOGIES CORP вакили Юрий Эльчибеков. — Бундай ҳамкорликдан мамнунмиз, албатта. Чунки бу компаниямизнинг Ўзбекистондаги биринчи лойиҳаси эмас. Бунгача ЎФА қошидаги “Чиғатой” терма жамоалар ўқув-машғулотлар марказида ҳам Туркия технологияси асосида сунъий қопламали майдон барпо этганмиз. Спорт базаси учун танланган жой ҳам бизга манзур бўлди. Шундоққина янги қурилаётган ерусти метро йўли ва бекати ёнгинасида экан. Бу келгусида футбол мухлислари учун ҳам, футболчилар учун ҳам қулайлик яратади, албатта.


Rating: +6   

Comments

championat.asia
< show latest news
Яндекс.Метрика