Янгиланган ЎФФ тотализаторга қарши курашни бошлади!

Айнан шу ташкилотнинг ЎФФга ёзган навбатдаги хати "Обод"га нисбатан чора кўрилиши билан якунланди. Яқиндагина ПФЛнинг расмий сайтида чиққан хабарда шундай ёзилади:

"Шу билан бирга Олий лиганинг 20-тури доирасидаги “Обод” – “Сўғдиёна” (2:4) ва 22-туридан ўрин олган “Обод” – “Насаф” (0:6) ўйинларида қайд этилган натижаларнинг шубҳали эканлиги айтилган “Federbet” халқаро нотижорат федерациясининг Ўзбекистон Футбол Федерациясига ёзган хати ҳам ЎзПФЛ Ижроқўмининг якуний қарор қабул қилишида асос бўлиб хизмат қилди".

“Federbet” қандай қилиб уюштирилган натижаларни аниқлайди?
Аниқ бир ўйинга муддатидан аввал аниқ бир йирик ҳисоб учун ставкалар кўпайиб кетади. Кичик ҳисоб қайд этилиб турган ўйинларнинг сўнгги дақиқаларида голлар кўпайиб кетади ва унинг кетма-кетлиги ҳам башоратчилар томонидан аниқ топилади.

Табиийки бу тотализатор компаниялари учун зарар. Футбол жамоалари келишган ҳолда уларни чув туширишга ҳаракат қилишади. Тотализатор компаниялари кўпроқ теннисчилардан зарар кўрадилар.

Агар ҳақиқатдан ҳам ЎФФ ҳар бир хатга жиддий аҳамият қаратадиган бўлса, футболимиз яна бир қадам олдинга ташлаган бўлади.

Бугунги кунда Ўзбекистон чемпионатининг биринчи лигасида афсуски, исботимиз йўқ, бундай ҳолатлар жуда кўп кузатилиши юқоридаги компания томонидан айтиб келинади. Афтидан бу кетишда 2018 йил жиддий ишлар олиб борилади.

Мазкур ишни охиригача етказишда ЎФФга омад тилаймиз! Шу каби ишларни амалга оширган мураббийларни эса лицензиясидан бир умрга маҳрум қилишни таклиф этамиз.