Яна "Севилья" бош мураббийида рак аниқланди

"Менда лейкоз бор экан, уни эрта босқичда аниқлашди, шундай экан махсус даволанишлар талаб қилинмайди. Бу ҳаёт тарзимга ҳалақит қилмайди. Қўллаб-қувватлаш учун клубдагиларга раҳмат, жамоадаги фаолиятимдан роҳат олмоқчиман. Бошқа бу мавзу ҳақида гапирмоқчи эмасман. Ҳамма хотиржам бўлишини хоҳлайман" - деди Капаррос.

63 ёшли Капаррос 2000-2005 йилларда "Севилья"ни бошқарганидан сўнг бир ой олдин жамоага қайтди. У истеъфога чиқарилган Пабло Мачин ўрнини эгаллади.

Қандайдир тасодиф туфайли Капаррос - қўрқинчили касал топилган "Севилья"нинг иккинчи мураббийи бўлди. 2017 йилнинг ноябрида жамоа бош мураббийи бўлган Эдуардо Бериццода ҳам рак аниқланган эди. Бериццо ўша хабардан сўнг истехфога чиққанди.

2018 йилнинг февралида Бериццо касалидан қутилди ва бошқа даволанишга муҳтож эмаслигини айтди.