Ян Кирххоф "Шальке 04" га ўтадими?
22 dec 2013 02:26
News

Ян Кирххоф "Шальке 04" га ўтадими?

"Билд" нашри тарқатган хабарга кўра, "Бавария" марказий ҳимоячиси Ян Кирххоф қишда "Шальке 04" га кўчиб ўтиши мумкин экан.

Аслида марказий ҳимоячи бўлишига қарамай таянч ярим ҳимоячиси амплуасида ҳам бемалол ўйнай оладиган Кирххоф, жамоага Пеп Гвардиола келганидан буён майдонга тушаётгани йўқ. "Билд" нинг хабар қилишича, бу борада Ян Кирххофга бундеслиганинг яна бир бошқа жамоаси "Шальке 04" ёрдам бериши мумкин. "Шальке 04" яқин вақтлар ичида ҳимоячи қидираётган эди. Бундан келиб чиқадики, гелзенкирхенликлар, айнан "Бавария"да етарлича ўйин амалаиётига эга бўлмаётган Кирххофга умид боғламоқдалар.

Кирххофга бир нечта жамоалардан қизиқиш бўлаётганини "Бавария" жамоаси бошлиғи Карл Хайнц Румменигге ҳам тасдиқлади. "Ҳа, Ян Кирххофга бундеслиганинг бир қатор жамоаларидан таклифлар бор. Бу масалани яқин вақт ичида кўриб чиқамиз.", - деди Румменигге.

Айтиш лозимки, Ян Кирххофга "Шальке 04"дан ташқари "Нюрнберг" ва "Айнтрахт Ф" жамоалари ҳам қизиқиш билдиришаётгани ҳақида маълумотлар бор.

Link :

Source : fussball.de

Receive latest football news directly on your phone. Subscribe for our Telegram channel!

Rating: