Хуршид Тожибоев: “Биз 2-турда ўзимиз кутган даражада очко тўплай олмадик”

Хўш, ортда қолган тур якунлари бўйича “Навбаҳор-Лочинлари” футзал клуби бош мураббийи Хуршид Тожибоевнинг фикрларига қулоқ тутдик.

“Тўғриси, биз ортда қолган ўйинларга пуҳта тайёргарлик кўргандик. Афсуски, натижаларимиз биз ўйлагандан ҳам пастроқ бўлди. Дейлик, биринчи турда 7 очко тўплашни мақсад қилгандик, бироқ 4 очкога эга бўлдик. Иккинчи туда эса кучли жамоаларга қарши ўйинлар кутиб турганди. Шунга қарамай, даражамиздан келиб чиқиб ўйнадик. Қисқаси, дастлабки икки турда кўрсатган ўйинларимиздан хулоса чиқарган ҳолда кейинги ўйинларга тайёргарлик кўрамиз.

Мавсум аввалида таркибга асосан маҳаллий футболчиларни тўпладик. Борлари билан ўқув-йиғин машғулотларини ўтказдик. Ҳозирча ўйинчиларимиз ёмон ҳаракат қилгани йўқ. Аммо камчиликларимиз ҳам бор. Дейлик, бизда асосан зал ва базамиз йўқлиги муаммо бўлмоқда.

Биласиз, бизда асосан маҳаллий боллар тўп тепмоқда. Юлдуз футболчилар деярли йўқ. Таркибимиздаги болаларни тарбиялаб, уларни яхши клубларга йўл олишини истаймиз.
Бу йил "Навбахор – Лочинлари”га ҳеч қандай вазифа куйилмаган. Лекин мавсумни кўтаринка кайфиятда тўп тепган ҳолда натижаларимизни яхшиламоқчимиз. Шу орқали футзалга бўлган эътиборни оширмоқчимиз", - дейди Хуршид Тожибоев.