Марадонанинг қўли билан киритилган тўп аукционга қўйилади

1986 йилги жаҳон чемпионатининг чорак финалида Англия ва Аргентина ўртасидаги баҳсда фойдаланилган тўпнинг тахминий баҳоси 2,5 миллион фунтдан 3 миллион фунтгача баҳоланмоқда.

Эслатиб ўтамиз, ўша ўйинда Аргентина инглизларни 2:1 ҳисобида мағлуб этиб, кейинги босқичга йўл олганди. Дастлабки голни қўл билан урган Марадона, иккинчисида дриблинг эвазига 4-5 рақибни ортда қолдириб, рақиб дарвозасини ишғол қилганди.

Шу билан бирга, Марадона биринчи голни шундай изоҳлаганди: "Бу менинг эмас, Худонинг қўллари".