Хорхе Сампаоли “Реал”га қарши ўйинда ғалаба қозонмоқчи

“Ўтган ҳафта “Реал” учун омадли келди. Шу сабаб улар ҳозир яхши кайфиятда. Айни пайтда “Реал” дунёнинг  энг кучли жамоаси – улар Чемпионлар лигаси ва Испания чемпионатида бош соврин учун кураш олиб боришмоқда.

Биз кучли рақибни мағлуб этиш учун жуда яхши ўйин кўрсатишимиз лозим. Испания кубоги доирасида ўтган илк учрашувда биз Мадридда йирик ҳисобда мағлуб бўлгандик. Айнан ўша ўйиндаги каби хатоларга йўл қўймаслигимиз лозим. Жамоа эртага борини бериб ўйнайди. Мен шунга ишонаяпман. Ғалабадан қониқиш ҳисси мавсумни яхши кайфиятда тугатишимизга асос бўлади. Мадридда ғолиб чиқсак, бу ўзимиз учун яхши бўлади.

Мадридга Чемпионлар лигаси йўлланмасини қўлга киритиш учун йўл оламиз. “Реал” захирасидаги футболчилар сабрсизлик билан ўзларига имкон берилишини кутишмоқда. Асосий таркиб эса дунёнинг энг кучли жамоаларидин бири саналади. Бизда “Реал”га қарши хар ҳил тактикамиз мавжуд ва улар рақибга хавф туғдириши мумкин”, дея таъкидлади Сампаоли.