Хоразмда мини футбол бўйича болалар лигаси ўтказилмоқда
06 mar 2015 13:02
News

Хоразмда мини футбол бўйича болалар лигаси ўтказилмоқда

Мазкур мусобақада воҳанинг Боғот ва Ҳазорасп туманларидан ташқари барча ҳудудлардан жамоалар иштирок этмоқда.

Биринчилик 2001 йилда туғилган ёш футболчилар ўртасида икки гуруҳда олиб бориляпти. Айни дамда, 2-тур учрашувлари бўлиб ўтди.

Хусусан, 1-гуруҳда 6 очкодан жамғарган “Олимпия”, “Урганч ОЗК-Интернат” ва “5-сон футбол мактаб-интернати” жамоалари етакчилик қилишаётир. Шунингдек, 2-гуруҳда ВБЎСМ-2, “Локомотив-БФК” ва “Қўшкўпир” жамоалари олдинда боришмоқда. Улар ҳисобида ҳам 6 тадан очко мавжуд.

- Ўйинлар жуда қизиқарли кечмоқда, - дейди мусобақа бош ҳаками Алишер Рўзметов. – Биринчиликни ўтказишдан кўзланган мақсад, катта футбол мавсуми олдидан ёшларимизнинг маҳоратини юксалтиришдир. Бугунги кунда бунга эришяпмиз десак, муболаға бўлмайди.

Болалар лигаси ўйинлари апрель ойида поёнига етади.

Икром ХУДОЙБЕРГАНОВ

Link :

Source : championat.asia

Receive latest football news directly on your phone. Subscribe for our Telegram channel!

Rating: