“Хоразм” ўз қароргоҳида йиғин ўтказмоқда
26 jan 2014 09:00
News
![](https://championat.asia/upload/storage/115524_original.jpg)
![](/upload/storage/115524_220.jpg)
“Хоразм” ўз қароргоҳида йиғин ўтказмоқда
Биринчи лига вакили “Хоразм” айни пайтда ўз қароргоҳида ўқув-йиғин машғулотларини ўтказмоқда.
Жамоа 10 январдан машғулотларга киришган. Ҳозирча йиғин Урганчдаги “Хоразм спорт мажмуаси”да ўтказилмоқда. У ерда 40 нафарга яқин футболчилар шуғулланмоқда. Бош мураббий Мансур Давлетовнинг беътоблиги сабабли машғулотларни унинг ёрдамчиси Ойбек Қурёзов олиб бормоқда. Жамоа режасига февралда Тошкентга бориб, ПФЛ Кубогида иштирок этиш ҳам ўрин олган. Таркибдаги ўзгаришларга тўхталадиган бўлсак, айни пайтда бир қатор маҳаллий ёшлар жамоа кўригидан ўтмоқда. Уларнинг орасида ўтган йили “Олмалиқ”да ўйнаган Маъмур Абдуллаев, “Аланга”дан Тимур Бекчанов ҳам “Насаф” ёшлар жамоасидан Жамолиддин Машарипов борлигини айтиш мумкин. Маълум муддат “Олмалиқ” йиғинида иштирок этган тўпурар ҳужумчи Мурод Бобожонов яна жамоага қайтиб келган.
Ўтган йили жамоа шарафини ҳимоя қилган Қадамбой Нурметов, Азиз Жўраев, Собир Мамараҳимов, Собир Азизов айни пайтда жамоа билан бирга эмас. Ёш ҳужумчи Нурметов ҳозирда Игорь Шквирин бошқарувидаги “Олмалиқ”да кўрикдан ўтаётган бўлса, юқорида номлари келтирилган бошқа футболчилар эса “Хоразм”нинг Тошкентдаги йиғинига бориб қўшилиши айтилмоқда.
И.РУСТАМБЕКОВ.
Ўтган йили жамоа шарафини ҳимоя қилган Қадамбой Нурметов, Азиз Жўраев, Собир Мамараҳимов, Собир Азизов айни пайтда жамоа билан бирга эмас. Ёш ҳужумчи Нурметов ҳозирда Игорь Шквирин бошқарувидаги “Олмалиқ”да кўрикдан ўтаётган бўлса, юқорида номлари келтирилган бошқа футболчилар эса “Хоразм”нинг Тошкентдаги йиғинига бориб қўшилиши айтилмоқда.
И.РУСТАМБЕКОВ.
Link :
Source : championat.asia
Receive latest football news directly on your phone. Subscribe for our Telegram channel!
![AMP Logo](https://championat.asia/image/logo-amp.png)
Comments