"Хоразм" клуби янги мавсумга жиддий тайёргарлик олиб бормоқда. Мақсуд Каримовнинг мақсади олий

Машғулотлар кунига бир маҳалдан "Хоразм" спорт мажмуасининг сунъий қопламали майдонида олиб борилмоқда.

Жамоадаги ўзгаришлар

2017 йилда буён бош мураббий бўлиб ишлаб келган Александр Ежов лавозимини тарк этди. Шунингдек у билан биргаликда ҳужумчи Сарвар Жуманиёзов "Оқ-тепа" клубига бориб кўшилган.
Ўзбекистон U-19 аъзоси Муҳаммадқодир Раҳимбердиев ижара муддати тугагани сабабли "Машъал" клубига кайтиб кетди. Шунинг клубни Хурматбек Йўлдошев ҳам тарк этган.

Айни дамда "Хоразм" клубини вақтинча Мақсуд Каримов шуғуллантирмоқда. Унинг такидлашича клубга янги бош мураббий ва беш-олти нафар футболчи келиб қўшилиши кутилмоқда.

"Хоразм" клуби уй ўйинларини қайси майдонда ўтказади?

Таъмилаш ишлари тугаган "Хоразм" спорт мажмуасининг майдон чими тўлиқ ўсиб чиқмаганлиги сабабли, уй ўйинларини "Ёшлик" спорт мажмуасининг сунъий қопламали майдонида ўтказиб туради.

Клубнинг молиявий ҳолати қандай?

Футболчиларнинг ойлик маошидан қарздорлик тўлиқ тўланган. Лекин мукофот пулларидан қарздорликлар бартараф қилинмаган. 2020 йил учун кирим-чиқим харажатлар тасдиқланмаган.

Хулоса қилиб шуни айтиш лозимки. Мақсуд Каримов бошчилигидаги "Хоразм"нинг янги мавсумдан мақсадлари жудаям жиддий ва Суперлигага йўлланма олиш!

Хурсандбек Маткаримов тайёрлади
Фотомухбир: Ярашвай Жуманазаров