Latest news

03:02Германия кубоги. "Штутгарт" финалда учинчи лига жамоаси бўлмиш "Арминия"ни мағлуб этиб, Германия кубогини қўлга киритди - 4:2. Мийо дублга эришди  2 00:21Райан Гравенберх АПЛнинг энг яхши ёш футболчиси деб топилди  1 23:50Элдор Мойлиев: "Иккинчи дақиқадаёқ қизил карточка билан жазоландик ва режамиз ўзгариб кетди"  0 23:17Эрон кубоги. "Истиқлол" "Санат Нафт"ни мағлуб этиб, финалга чиқди, Машарипов захирада қолдирилди  4 23:11ПСЖ — "Реймс". Франция кубоги финали учун таркиблар маълум  3 23:09Виталий Левченко: "Жокич ва Йовович касал. Кўплаб позицион ҳужумлар уюштирдик"  6 23:02Суперлига. "Сўғдиёна" ва "Бухоро" муроса кўчасини танлади  29 22:45Та "Бавария" билан шартнома имзолайди. "Байер" ҳимоячини компенсация эвазига КЖЧга қўйиб юбориш таклифини кутмоқда  0 22:30ОПЛ. "Сабаҳ" ўз уйида ғалабага эришди, Раҳмоналиев захирадан ўйинга қўшилди  0 22:25CAFA U-17 Championship 2025. Ўзбекистон бир киши кам бўлиб Қирғиз Республикасини йирик ҳисобда мағлуб этди  6 22:00"Краснодар" ўз тарихида илк бор Россия чемпиони бўлди  4 21:21Аморим Гарначога янги жамоа қидиришни айтди. Футболчи Европа лигаси финалидан кейин МЮ устозидан норози бўлганди  12 21:10Ла Лига. "Реал" сўнгги ўйинда Мбаппенинг дубли эвазига "Реал Сосьедад"ни мағлуб этди, "қироллик клуби" мавсумни иккинчи ўрин билан якунлади  32 20:59Суперлига. "Нефтчи" ўз майдонида бир киши кам "Шўртан"ни йирик ҳисобда енгди  29 20:38РПЛ. Файзуллаев захирадан тушиб ассист қайд этган ўйинда ЦСКА ғалабага эришди, Ашурматов "Рубин" ғалаба қозонган ўйинда захирадан ўйинга қўшилди, "Акрон" эса...  16

⚡️ Холанд ва Левандовскисиз қолаётган Бундеслиганинг 2021/22 йилги мавсум якунлари (батафсил таҳлил) News

⚡️ Холанд ва Левандовскисиз қолаётган Бундеслиганинг 2021/22 йилги мавсум якунлари (батафсил таҳлил)

Германия чемпионатида мавсум ўз ниҳоясига етди.

“Бавария” қаторасига 10-маротаба (топ-5 лигаларидаги рекорд) ва ўз тарихида 32-бора Германия чемпионлигини қўлга киритди. Мюнхенликлар “Боруссия Д”, “Байер” ҳамда ”РБ Лейпциг” билан бирга кейинги мавсум Чемпионлар лигаси гуруҳ босқичида иштирок этади.

“Унион Берлин”, “Фрайбург” Европа лигасига йўл олган бўлса, “Кёльн” Конференциялар лигасида қатнашади.

“Гройтер Фюрт” ва “Арминия” қуйи дивизионга тушиб кетди. "Герта" эса мусобақада қолиш учун плей-офф баҳсида иштирок этади. Уларга Бундеслига 2'да учинчи бўлган жамоа рақиблик қилади. Ўтиш ўйинлари эса 19 ва 23 май саналарида ўтказилади.

ЯКУНИЙ ЖАДВАЛ

Бундеслига 2'дан “Шальке 04” юқори элитага қайтгани ҳақида хабар бергандик. 2-йўлланма эса бугун бўлиб ўтадиган 34-тур баҳсларидан кейин маълум бўлади. Тақвим билан танишинг:

БУНДЕСЛИГА 2 ЖАДВАЛИ

Маълумот ўрнида, охирги тур олдидан “Эрцгебирге Ауэ” ҳамда “Ингольштадт” 3-лигага равона бўлгани аниқ бўлиб улгурган. 16-ўриндаги “Динамо Дрезден” эса “Кайзерслаутерн” билан 20 ва 24 май куни бўлиб ўтадиган ўтиш учрашувида қатнашади. Аввалроқ, “Магдебург” ва “Айнтрахт Б” Бундеслига 2'га кўтарилганди.

Ҳисоб бўйича 59-маротаба ўтказилган Германия олий дивизионида “Бавария” форварди Роберт Левандовски 34 ўйинда 35 та гол уриб, тўпурар бўлди. У бундай номга 7-маротаба эришиб, Герд Мюллернинг рекордини такрорлади. Тўпурарлар жадвалида ундан кейинги ўринлардан эса “Байер” ҳужумчиси Патрик Шик (24 гол) ҳамда “Боруссия Д” футболчиси Эрлинг Холанд (22) жой олди.

Кўпчилигимизга таниш бўлган Сардор Азмун эса мавсум ярмидан “Байер”га келиб қўшилди ва чемпионатда 9 ўйинда қатнашиб, 1+1 натижа кўрсатди. У маълум муддат жароҳатидан даволанишига ҳам тўғри келди.

Дарвоқе, Левандовски “Вольфсбург”га (2:2) қарши мавсумнинг сўнгги ўйинидан кейин мюнхенликлар сафидаги охирги учрашувини ўтказгани ҳақида айтиб ўтди. У фаолиятини “Барселона”да давом эттириши ҳақида гап-сўзлар тарқалган. Бундеслиганинг бошқа бир юлдузи Холанд эса “Манчестер Сити”га йўл олмоқда. 21 ёшли футболчи дортмундликлар либосида 89 ўйинда 86 та гол урди ва 23 пасни ўз ҳисобига ёздирди. Уни мана шундай кузатиб қўйишди:

Германия чемпионати 2021/22 йилги мавсумида Томас Мюллер (18 пас) энг яхши ассистент сифатида қайд этилди. Кристофер Нкунку ("РБ Лейпциг", 13 ассист) ва Марко Ройс (“Боруссия Д”, 12) кучли учликка якун ясаган.

Охирги тур олдидан аутсайдерлар қаторида бўлган “Штутгарт” эса “Кёльн”ни 90+2-дақиқада Ватару Эндонинг голи эвазига мағлуб (2:1) этиб, Бундеслигада жон сақлаб қолди ва ўз мухлисларига фантастик эмоцияларни тақдим этди:

Эслатиб ўтамиз, Бундеслиганинг янги мавсуми 5 августда старт олади ва 2023 йил 27 май куни ўз ниҳоясига етади.

Мусобақада энг кўп титулни қўлга киритган жамоалар:

1. “Бавария” – 32 та;

2. “Нюрнберг” – 9;

3. “Боруссия Д” – 8;

4. “Шальке 04” – 7;

5-6. “Гамбург”, “Штутгарт” – 5 тадан.


Бошқа статистик маълумотлар:

*мавсум давомида 306 ўйинда 954 та гол урилди (ўртача 3,12);

*уйдаги энг йирик ғалаба – “Бавария” 7:0 “Бохум”;

*сафардаги энг йирик ғалаба – “Боруссия М” 0:6 “Фрайбург”;

*энг сермаҳсул ўйин – “Гройтер Фюрт” 3:6 “Хоффенхайм”;

*энг кўп мухлис ташриф буюрган ўйин – “Боруссия Д” 1:4 “РБ Лейпциг” (81,365 томошабин);

*гол+пас системаси бўйича энг яхши бўлган футболчи – Роберт Левандовски (35+3)

*энг кўп (10тадан) “қуруқ” ўйин ўтказган киперлар – Робин Центнер (“Майнц”), Мануэль Нойер (“Бавария”), Марк Флеккен (Фрайбург), Кун Кастелс (“Вольфсбург”);

*майгача ой футболчиси совринини энг кўп (4та) қўлга киритган ўйинчи – Кристофер Нкунку (“РБ Лейпциг”).

Author : Eldor Akmurzayev
Rating: +5   

Comments

championat.asia
< show latest news
Яндекс.Метрика