Холанд АПЛда ушбу мавсумдаги 35-голини киритиб, мутлақ рекорд ўрнатди

"Манчестер Сити" ҳужумчиси Эрлинг Холанд "Вест Хэм"га қарши ўйинда гол киритди. Шу тариқа, Холанд ушбу мавсум АПЛдаги голлари сонини 35 тага етказди ва мутлақ рекордчига айланди. Ҳали бирор ўйинчи битта мавсумда АПЛда бунча гол урмаганди. Аввалги рекорд Энди Коул ва Алан Ширерга тегишли эди. Икки футболчи бир мавсумда 34 та гол киритишганди, аммо бунинг учун улар 42 та ўйин сарфлашганди. Холанд эса 33 та ўйиндаёқ 35 та гол киритишни уддалади. 

Ўйиндан кейин тарихий рекорд қайд этган Холандга "Ман Сити" футболчи ва мураббийлари махсус йўлак ташкил қилишди.