Хитойга кетган U-21 терма жамоасини қандай мусобақалар кутмоқда?

Суннатилла Абдурасулов бошчилигидаги Ўзбекистон терма жамоасини олдиндан жуда ҳам кўплаб муҳим мусобақалар кутиб турибди.

2019 йилнинг март ойида, аниқроғи 18-26 кунлари U-23 Осиё чемпионати саралашида айнан мана шу терма жамоамиз иштирок этади.

Ушбу саралашдан муваффақиятли ўта олсак, 2020 йил 8-26 январь кунлари Таиландда ўтадиган U-23 Осиё чемпионати финал босқичида иштирок этамиз.

Осиё чемпионатида кучли учликка кира олсак, 2020 йил Япония мезбонлик қиладиган ёзги Олимпиада ўйинларида иштирок этамиз.

Шундай экан, 1997 йил ва ундан кейин туғилган футболчилардан иборат терма жамоамизга катта эътибор қаратишимиз керак бўлади.