Хитой июнь ойида Миср ва Малига қарши ўртоқлик учрашувларини ўтказади
06 may 2014 10:32
News

Хитой июнь ойида Миср ва Малига қарши ўртоқлик учрашувларини ўтказади

Ўзбекистонинг Осиё Кубоги-2015 гуруҳ босқичидаги рақиби Хитой терма жамоаси 2014 йил 6та ўртоқлик учрашувини ўтказади.

Франциялик мураббий Алан Перрин бошчилигидаги хитойликлар июнь ойида уч бор ўртоқлик ўйинини ўтказишади. Эътиборлиси учала баҳс ҳам Африка термаларига қарши ташкил этилади.

19 июнда Миср Хитойда меҳмон бўлади. Орадан уч кун ўтгач Мисрга қарши иккинчи баҳс бўлиб ўтади. 29 июнь куни қора қитъанинг яна бир жамоаси Мали Шенжен шаҳрида Хитойга қарши майдонга тушади.

Куз фаслида дастлаб Қувайт (4 сентябрь), сўнгра Таиланд (14 октябрь) каби жамоалар билан ўртоқлик ўйини бўлиб ўтади.

Эслатиб ўтамиз, ОК-2015 гуруҳ босқичида Ўзбекистон терма жамоаси Хитой, Саудия Арабистони ва КХДР терма жамоаларига қарши ўйнайди.

Link :

Source : championat.asia

Receive latest football news directly on your phone. Subscribe for our Telegram channel!

Rating: