Хитой. Анзур Исмоиловда 90 дақиқа, Филипосян ўйнамади

Хитой суперлигаси

Ҳамюртимиз Артём Филипосян тўп тепаётган "Ляонинг Хонгюн" клуби ўз уйида "Хенан Цзяние"ни қабул қилиб 1:0 ҳисобида ғалаба қозонди.

Филипосян учрашувни захирадан кузатди. "Ляонинг" 12 учрашувда 13 очко тўплаб мусобақа жадвалининг 13-поғонасида бормоқда. Клуб кейинги ўйинни 21 май куни сафарда "Чанчун Ятаи"га қарши ўтказади.

"Ляонинг Хонгюн" - "Хенан Цзяние" 1:0
Голлар: Йевтич 71

Анзур Исмоилов фаолият олиб бораётган "Чанчун Ятаи" клуби сафарда "Тянцзин Теда"га қарши ўйнади. Баҳсда майдон эгалари 2:1 ҳисобида ғалаба қозонишди. Учрашувда Исмоилов доимгидек тўлиқ ўйнади. Клуб 9 очко билан мусобақа жадвалининг 15-поғонасидан ўрин олган. "Чанчун" энди 21 май куни ўз майдонида "Ляонинг Хонгюн"ни қабул қилади.

"Тянцзин Теда" - "Чанчун Ятаи" 2:1
Голлар: Ху Рентиан 64, Зоу Хаибин 69 - Бечирай 46.