Хиддинк Хитой олимпия терма жамоасини бошқаради

Бу ҳақда AD нашри хабар тарқатди.

“Мен нафақага чиққан бўлишимга қарамай бу ёқимли иш. Асосий мақсадимиз 2020 йилги Токиода бўладиган Олимпиада ўйинларига йўлланмани қўлга киритиш”, дейди  71 ёшли мутахассис.

Хиддинкнинг сўнгги иш жойи Лондоннинг “Челси” клуби бўлганди. У 2015/16 йилги мавсумда Жозе Моуриньо истеъфога чиқарилгач, вақтинча бош мураббий вазифасини бажарувчи этиб тайинланганди.

У Голландия, Жанубий Корея, Автралия ва Туркия терма жамоаларини бошқарган. Клублар миқёсида эса Гус ПСВ, “Фенербахче”, “Валенсия”, “Реал”, “Бетис” ва “Анжи” клубларида фаолият юритган.

Хиддинк қўли остида Россия терма жамоаси Евро-2008 мусобақасида ярим финалгача етиб келиб, бронза медалларини қўлга киритган.