Хейсен «Сосьедад»га қарши ўйиндаги ўз четлатишини ВАР бекор қилиши керак эди деб ҳисоблайди

«Реал» ҳимоячиси Ла Лига 4-туридаги (2:1) ўйиннинг 32-дақиқасида рақибнинг майдон марказидаги қарши ҳужумини тўхтатиб қўйгани учун қизил карточка олган эди. Кейинчалик ҳакамлар техник қўмитаси (CTA) энг муносиб жазо сариқ карточка бўлишини маълум қилди , лекин ВАРнинг бу эпизодга аралашмаслик қарорини қўллаб-қувватлади, чунки очиқ хато йўқ эди.

Қироллик Испания футбол федерацияси (RFEF) интизом қўмитаси «Реал»нинг шикоятини рад этди. Хейсен бир ўйинга дисквалификация қилинди, шу сабабли Ла Лига 5-туридаги «Эспаньол»га қарши ўйинда (шанба куни) майдонга тушмайди. Клуб бу қарорга аппеляция бермоқчи.

The Athletic Хейсен атрофидаги манбага таяниб хабар беришича, ҳимоячи ўз четлатилиши эпизодида хато йўқлигини тан олди ва Ла Лигадаги ҳакамлик билан аввалги клуби «Борнмут»да ўйнаган АПЛдаги фарқларга мослашиш кераклигини тушунади. Бироқ футболчи ВАР ҳакам Хесус Хиль Мансано қарорини бекор қилиши керак эди, деб ҳисоблайди.