Хави Чемпионлар лигасида ғалаба қозониш бўйича рекорд ўрнатди

Мусобақанинг 4-тур гуруҳ босқичи дорасида бўлиб ўтган баҳсда каталонияликлар “Милан” клуби устидан 3:1 ҳисобида ғалаба қозонишди. Ушбу ғалаба Хави учун мусобақадаги – 80 ғалаба бўлди.

Хави “Барселона”да 1998 йилдан бери ўйнаб келади ва клуб таркибида ўтказилган ўйинлар бўйича рекордчи саналади. Футболчи жамоа таркибида уч маротаба Чемпионлар лигаси (2006, 2009 ва 2011) ва олти маротаба Испания чемпионати ғолибига айланган.