Хамес "Реал"дан АПЛ клубига 25 млн евро эвазига ўтиши мумкин

Мадридликлар бир йилдан сўнг шартномаси якунланадиган 28 ёшли колумбиялик футболчи билан хайрлашишга тайёрлар.

Айнан шу сабаб "Реал" хавбекни тахминан 25 миллион евроларга сотиб юборишига тўғри келади.

Бир йил олдин "Атлетико" ва "Наполи" Хамес учун 45-50 миллион таклиф қилишганди, аммо "қироллик клуби" бу таклифларга рад жавобини берганди.

Ўйинчига ҳозирда "Реал"нинг Хамесни пастроқ нархга қўйиб юборишини билиб турган "Манчестер Юнайтед", "Арсенал", "Эвертон" ва "Вулверхэмптон" клублари қизиқиш билдирмоқда.

Агар футболчи "Сантьяго Бернабеу"да қолса, мадридликлар унинг маошини камайтириш борасида келишувга эришишга ҳаракат қилишади. Хамес айни дамда йилига 7 миллион евро маош олади.