Хамес "Атлетико"га ўтиши мумкин
27 jun 2019 16:05
News

Хамес "Атлетико"га ўтиши мумкин

"Реал" ярим ҳимоячиси Хамес Родригес клубини ўзгартириши мумкин.

Колумбиялик футболчига "Атлетико" клуби қизиқмоқда. "Атлетико" бу борада "Наполи" клуби билан рақобатлашишига тўғри келади.

Футболчига "Наполи" ҳам қизиқмоқда. Хабарларга қараганда, неаполликлар бош мураббийи Карло Анчелотти колумбиялик футболчини жамоанинг А Серияни ютиш учун етмаётган "масаллиғи" деб атаган эди.

Бундан ташқари, футболчига Туриннинг "Ювентус" клуби ҳам қизиқиш билдирмоқда.

Футболчи жорий мавсум барча турнирларда 35та ўйинда майдонга тушиб, 7та гол ва 6та ассистга эришди.

Таъкидлаб ўтиш керакки, Родригес ва Анчелотти "Реал" ҳамда "Бавария"да бирга ишлашган.