Хаким Фузайлов: "Месси ёки Роналду ҳам пенальтидан фойдалана олмаган ўйинлар бўлади"

Ўйин ҳақида

- Биз қийин ўйин бўлишини кутгандик. ОКМК ҳужумкор жамоа, биз уларга қарши тура олиш учун бир нечта режаларни ишлаб чиқдик. Вазиятларимиз бўлди, фойдалана олмадик. Футбол шунақа ўйин, рақиб сўнги дақиқадаги имкониятидан фойдаланди ва ғалабани қўлга киритди. ОКМК жамоасини ғалаба билан табриклайман.

- Пенальти ҳақидаги фикрингиз қандай? Дилшод Жўраев тепишни ўзи ҳоҳладими ёки мураббийлар штабининг қарори шундай эдими?

- Машғулотларда ишлаймиз, пенальтиларни ҳамма ҳам амалга ошириши мумкин. Ким руҳан тайёр бўлса, ўзига ишонса, ўша тепади. Бу лоторея, бўлиб турадиган ҳолат. Керак бўлса, Месси ёки Роналду ҳам пенальтидан фойдалана олмаган ўйинлар бўлади.

- Апрель ойида тиғиз тақвим бўлади. Жамоангиз тикланиши ва захиралар бўйича қанчалик қийинчиликларга дуч келаяпсиз?

- Бу албатта қийин. Суперлига ва кубок ўйинларини ўтказаяпмиз. Тикланиш осон бўлмайди. Лекин ОКМК жамоасида ҳам айни шу ҳолат. Мағлубият учун сабаб сифатида буни кўрсатмоқчи эмасман.