Хайрулла Холиқов "Локомотив" матбуот хизматида иш бошлади
01 apr 2015 18:08
News

Хайрулла Холиқов "Локомотив" матбуот хизматида иш бошлади

Тошкент, 1 апрель - "Локомотив" клуби матбуот хизматида катта ўзгаришлар амалга оширилди.

Бугундан бошлаб клубда расман спорт оламида кўпчиликка манзур ва таниш бўлган, заҳматкаш журналистлардан бири Хайрулла Холиқов иш бошлади.

Хабарингиз бор, Хайрулла шу кунгача Championat.Asia интернет порталида ишлаб келган ҳамда Ўзбекистон футболи йўналишида ўзининг ўткир маъноли ва таҳлилий мақолалари билан мухлислар кўнглидан жой олган. Хайрулла Холиқов журналистика соҳасида 10 йилдан зиёд тажрибага эга, 2009-2013 йиллар давомида Муборакнинг "Машъал" футбол клубида матбуот котиби сифатида фаолият юритиб, футбол шинавандалари назарига тушган.

Маълум қиламизки, аввал клубда матбуот котиби лавозимида ишлаган Аброр Қодиров айни дамда Профессионал Футбол Лигаси матбуот хизматида ўз фаолиятини давом эттирмоқда.
Хар иккала ижодкорга янги бошлаган ишида муваффақият ва зафарлар тилаб қоламиз.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: