Хаби Алонсо – рекордчи!
24 feb 2025 11:09
News

Хаби Алонсо – рекордчи!

"Байер" бош мураббийи Хаби Алонсо жамоанинг сафардаги мағлубиятсиз сериясини 28 учрашувга етказди (20 ғалаба, 8 дуранг).

У бу борада мураббийлар орасида Бундеслига рекордини ўрнатди.

22 февраль куни Германия чемпионатининг 23-турида "Хольштайн" ва "Байер" жамоалари ўзаро беллашди. Учрашув меҳмонларнинг 2:0 ҳисобидаги ғалабаси билан якунланди. Алонсо жамоасининг сафардаги сўнгги мағлубияти 2023 йилнинг 27 май куни "Бохум"га қарши ўйинда (0:3) қайд этилганди.

"Байер" Бундеслиганинг жорий мавсуми турнир жадвалида иккинчи ўринда бормоқда (14 ғалаба, 8 дуранг, 1 мағлубият). "Бавария" билан орадаги фарқ беш очкони ташкил этади, аммо мюнхенликларда битта захира ўйини ҳам мавжуд.

Аввалроқ Хаби Алонсо рекордни такрорлагани ҳақида хабар берган эдик.

Link :

Source : Sportstar

Receive latest football news directly on your phone. Subscribe for our Telegram channel!

Rating: +6