"Водий футболи": "Нефтчи" бугун янги футболчиларни таништиради

"Нефтчи": Бугун янги футболчилар таништирилади

Бугун, 5 август куни соат 17.30да “Қиргули” стадионида  “Нефтчи” ПФК янги ўйинчиларни таништиради. Бу тадбирга футбол мухлислари ва спорт журналистларини таклиф этамиз.

Иккинчи давра олдидан "Нефтчи"га Адриан Кашкавал, Абдумавлон Абдужалилов ва Отабек Исроилов келиб қўшилди.


"Қўқон-1912": "Пахтакор" билан ўйинга тайёргарлик бошланди

Бир кунлик таътилдан кейин "Қўқон-1912" аъзолари яна машғулотларни давом эттиришмоқда. Аниқроғи, кеча Рустам Абдуллаев шогирдлари “Пахтакор” билан бўладиган ўйинга тайёргарликни бошлаб юборишди. Футболчиларнинг кайфияти яхши. Барча машғулотларда астойидил меҳнат қилмоқда.

"Қўқон-1912" 8 август куни Тошкентда амалдаги чемпион - “Пахтакор” меҳмони бўлади.


"Навбаҳор": Тоҳир Шамсиддинов майдонга қайтди

Жамоамиз ҳимоячиси Тоҳир Шамсиддинов ярим йиллик танаффусдан сўнг яна майдонга қайтди.

Ўзбекистон олимпия терма жамоаси сафида халқаро мусобақада қатнашиб дисквалификацияга учраган Шамсиддинов ПФЛ томонидан авф этилди. Шу боис ҳимоячи иккинчи даврада майдонга тушишга рухсат олди.

У Муборакда "Машъал"га қарши баҳсда тўлиқ ўйнади.