Водий футболи: "Навбаҳор"да 4та дисквалификация

"Навбаҳор": "Насаф"га қарши 4 нафар футболчимиз ўйнай олмайди

Наманганнинг "Навбаҳор" клуби олий лиганинг 23-турини Қаршида "Насаф"га қарши ўтказади. Ушбу ўйинда "лочинлар" сафида бир йўла тўрт нафар футболчи дисквалификация туфайли майдонга туша олмайди.

Алишер Саматов, Санъат Шихов, Шаҳбоз Эркинов ва Дилшод Жабборовнинг сариқ карточкалари тўрттага етгани боис улар Қаршига боришмайди.

22-турни ўтказиб юборган Бобур Акбаров эса "Насаф" билан учрашувда майдонга туша олади.


"Нефтчи": Дилёрбек Эрматов "Динамо"га қарши ўйнамайди

Фарғонанинг "Нефтчи" клуби кейинги турни сафарда "Динамо" билан ўтказади. Ушбу учрашувда водий клуби сафида жамоанинг асосий ҳимоячиси Дилёрбек Эрматов майдонга туша олмайди. Унинг сариқ карточкалари сони тўрттага етди.

Аксинча ўтган турни дисквалификация туфайли ўтказиб юборишга мажбур бўлган Аббос Махсталиев Самарқанддаги ўйинда жамоага ёрдам бера олади.


"Қўқон-1912": "Қизилқум" билан ўйинда Дониёр Усмонов қатнаша олмайди

Рустам Абдуллаев бошчилигидаги "Қўқон-1912" 23-турни ўз майдонида "Қизилқум"га қарши ўтказади. Бу ўйинда водий клуби ҳужумчиси Дониёр Усмонов сариқ карточкалари тўрттага етгани боис иштирок эта олмайди.