Водий футболи: "Навбаҳор" ўртоқлик учрашувида "Металлург"га ютқазди

"Навбаҳор": "Металлург"га 0:4 ҳисобида ютқаздик

Кеча Наманганнинг "Навбаҳор" клуби Бекободнинг "Металлург" клубига қарши ўртоқлик учрашувини ўтказди.

Баҳсда "лочинлар" 0:4 ҳисобида имкониятни бой бериб қўйишди.

"Навбаҳор" учрашувни қуйидаги таркиб билан бошлади: Хўжаев, Шамсиддинов, Маҳаммаджонов, Акбаров, Бердимуродов, Саматов, Ҳасанов, Аҳмедов, Шихов, Маҳмудов, Эркинов.

"Навбаҳор" олий лиганинг 21-турини Самарқандда "Динамо"га қарши ўтказади.


"Қўқон-1912": Қувондиқ Рўзиев "Машъал"га қарши ўйнай олмайди

Тошкентда кичик йиғин ўтказиб қайтгач, футболчиларга икки кун дам берилди. Бугун эса “Машъал”га қарши кечадиган ўйинга тайёргарлик бошланади.

Ушбу ўйинда "Қўқон-1912" ярим ҳимоячиси Қувондиқ Рўзиев огоҳлантиришлари сони тўрттага етгани боис майдонга туша олмайди.

Эслатиб ўтамиз, "Машъал"га қарши ўйин 12 сентябрь куни Қўқонда бўлиб ўтади.