Водий футболи. Бугун "Нефтчи" - "Пахтакор" учрашуви

"Нефтчи": Бугун "Пахтакор" билан ўйнаймиз

Бу икки буюк клубнинг йўллари олий лига ўйинларида 47 бор кесишган. Устунлик “Пахтакор” томонида. 23та ўйинда тошкентликларнинг қўли баланд келган бўлса, 17та учрашувда “Нефтчи” ғолиб бўлган. 7та учрашувда ғолиб аниқланмаган. Тўплар нисбати ҳам “Пахтакор” фойдасига.

“Нефтчи” ўз майдонида бўлиб ўтган ўйинларнинг 13тасида муваффақият қозонган. 5та баҳсда ғолиб аниқланмаган. “Пахтакор” Фарғонадан беш марта уч очко билан қайта олган. “Нефтчи” охирги икки йилда ўз уйида бу рақибга ютқазган.

Учрашув соат 17:00да "Истиқлол" стадионида бошланади.


"Навбаҳор" - "Андижон": Эртага водий дербиси

Эртага олий лиганинг 24-туридан ўрин олган "Навбаҳор" - "Андижон" учрашуви бўлиб ўтади. 1 октябрь куни соат 16:30да бошланадиган ўйин Намангандаги "Марказий" стадионда бўлиб ўтади.

Бугун ёшлар лигаси доирасидаги водий дербиси соат 15:30да старт олади.


"Қўқон-1912": Эртага "Шўртан" меҳмони бўламиз

Эртага "Қўқон-1912" жамоаси Ғузорда "Шўртан"га қарши ўйнайди. Асосий таркиблар ўртасидаги баҳс эртага соат 16:30да бошланади.

Бугун ёшлар жамоалари соат 16:00да ўйинни бошлашади.