"Водий футболи": Отақўзиев "Қўқон-1912"нинг тўпурари

"Нефтчи": "Сардор Раҳмонов: Фарғоналик футбол ишқибозлари – "Чемпион мухлислар"

Клуб ҳимоячиси Сардор Раҳмонов "Нефтчи" ҳақида ўз фикрларини билдирди.

"Клубда барча футболчилар билан бирдек иноқмиз. “Нефтчи”да ўзгача муҳит ҳукм суради. Футболчиларнинг яхши ўйнаши учун раҳбарият, мураббийлар штаби томонидан барча имкониятлар муҳаё қилинган.  Лекин, “Нефтчи”нинг энг катта ютуғи – бу шубҳасиз, мухлислар. Мен фарғоналик футбол ишқибозларини – “Чемпион мухлислар” дейман.

Энг авваломбор ҳар жамоанинг муҳлислари беш карра чемпионлик бахтига сазовор бўлмаган. Қолаверса статитистикага қараганда Ўзбекистон чемпионатида энг кўп мухлисга эга жамоа ҳам айнан – “Нефтчи”дир. Мен мухлисларимизга раҳмат айтаман. Фақат, улардан кичкина бир илтимосим бор эди. Баъзан ўйинимиз чиқмай қолса ёки кутилмаганда ютказиб қўйсак, биз ўйинчи ва мураббийлардан ранжишмасин, кези келганда айтиш керак, бўлар-бўлмасга бизга қараб  ёмон ҳайқириқлар қилишмасин. Ахир футболчи ва мураббийлар “Нефтчи”ни ғолиб бўлишидан энг манфатдорларку.

Ютишни барчамиз ҳоҳлаймиз, лекин мағлубият бўлганда содиқ мухлисларимиз, бизларни ёнимизда, биргаликда оғир кунларни яшашни хоҳлардим. Мухтасар қилиб айтганда, мен энди “Нефтчи” учун бор куч-ғайратимни аямай, Фарғона футболини юксакларга кўтаришган тайёрман", - дейди Сардор Раҳмонов.


"Қўқон-1912": Носир Отақўзиев биринчи давра тўпурари

Қўқоннинг "Қўқон-1912" клуби биринчи даврада 15та ўйинда 12та гол урди. Шундан 4тасини Носир Отақўзиев рақиб дарвозасига урди. Айнан Отақўзиев клубда энг кўп гол уриб тўпурар бўлди.

Бундан ташқари Ориф Мамажонов (3та), Нодир Қўзибоев (2та), Азиз Тўхтабоев (1та), Баҳодир Акрамов (1та) ҳам биринчи даврада ўз ҳисобига гол ёзиб қўйишди.
 

"Андижон": Дониёр Усмонов билан Акбар Ходжаевга жавоб берилди

Кеча "Андижон" жамоаси "Соғлом Авлод" стадионида машғулотларни бошлади. Ҳозирча бош мураббий Эдгар Гесс жамоа билан бирга эмас.

Биринчи даврада жамоада ўйнаган Дониёр Усмонов билан Акбар Ходжаевга жавоб берилди.