“Водий футболи”. “Нефтчи” бугун “Олмалиқ” билан ўйнайди, қолган жамоаларга дам берилди

"Андижон": Икки кунлик таътил берилди

Эдгар Гесс кеча "Сўғдиёна" билан ўйиндан кейин футболчиларга икки кунлик дам берди. Энди жамоа аъзолари сешанба куни ўз қароргоҳида йиғилади ва 12 июнь куни Кубок доирасидан ўрин олган "Металлург"га қарши баҳсга тайёргалик кўради.


"Нефтчи": Бугун "Олмалиқ" билан ўйин

Фарғоналиклар учун бугун синов дейиш ҳам мумкин. Боиси футбол жамоатчилиги томонидан тенг кучга эга дея этироф этилаётган "Нефтчи" ва "Олмалиқ" бугун Фарғонада ўзаро куч синашади. Мазкур учрашувга бўлган қизиқиш юқори дейиш мумкин. Эслатиб ўтамиз, "Истиқлол" стадионида кечадиган ўйин соат 18:00да бошланади.


"Навбаҳор": Жамоа энди 9 июнь куни Тошкентда йиғилади

Наманганликлар кеча ўз майдонида "Бухоро" устидан 3:1 ҳисобида ғалаба қозонди. Ўйиндан кейин мураббийлар штаби футболчиларга дам берди. Клуб матбуот хизматининг айтишича, "лочинлар" энди сешанба куни йиғилади. 9 июндан Тошкентда навбатдаги баҳсга тайёргарликни бошлайди.
Эслатиб ўтамиз, "Навбаҳор" олий лиганинг 13-турида "Қизилқум" меҳмони бўлади. Бўлажак баҳс 18 июн куни бўлиб ўтади.


"Қўқон-1912": Бугун футболчиларга дам берилди

Кеча Бекободда кечган ўйиндан сўнг футболчиларга бир кунлик дам берилди. Эртадан маҳаллий футболчилар Қўқонда йиғилади ва 9 июнь куни Тошкентга жўнаб кетади. Хабарингиз бўлса керак, 12 июнь куни қўқонликлар Ўзбекистон Кубоги доирасидан ўрин олган, "Сўғдиёна"га қарши баҳс ўтказади. Мазкур учрашувга жамоа пойтахтда тайёргарлик кўради.