"Водий футболи": Бугун "Андижон" "Бунёдкор", "Навбаҳор" "Динамо" билан ўйнайди

"Андижон": Бугун "Бунёдкор"га қарши ўйин

“Андижон” жамоасини Тошкентда ўтказаётган тайёргарлиги давом этмоқда. Кеча таркибга легионерларимиз Геннадий Мошняга билан Предраг Вуйович қўшилишганини хабар қилгандик.
 
Бугун жамоамиз пойтахтдаги иккинчи назорат учрашувида майдонга тушади. Рақибимиз “Бунёдкор” клуби бўлади. Ўйин “Бунёдкор” академияси майдонида бўлиб ўтади. Эртага жамоамиз “Олмалиқ” ўринбосарлари билан куч синашади. 26 июль куни эса Дукентда “Динамо” жамоасига қарши ўйин бўлиб ўтади.


"Навбаҳор": Бугун "Динамо"га қарши баҳс

Наманганнинг "Навбаҳор" клуби бугун Самарқанднинг "Динамо" клубига қарши ўртоқлик учрашувини ўтказади.

Бахтиёр Ашурматов бошчилигидаги жамоа 26 июль санасида эса Ғузорнинг “Шўртан” жамоаси билан куч синашади.


"Нефтчи": Тошкетдаги йиғинни дуранг билан тугатдик

Фарғонанинг "Нефтчи" клуби Тошкентдаги қисқа йиғинни якунлади. Кеча "Сўғдиёна"га қарши кечган баҳсда дуранг қайд этилди - 0:0.

Мурод Исмоилов бошчилигидаги жамоа иккинчи давра бошлангунига қадар Қиргулида тайёргарлик кўради.

«Сўғдиёна» (Жиззах) – «Нефтчи» (Фарғона) - 0:0
Ҳакам:  Р.Серазетдинов (Ташкент шаҳри)
"Нефтчи": Е.Черемисин,  Ж.Меҳмонов,  А.Кашкавал,  А.Олимов, Д.Эрматов, Ш.Пўлатов, Ж.Расулов, А.Холматов, Б.Ёқубов, М.Саидов, Ш.Ҳакимов.
Захира: С.Смордин, У.Қодиров, Дадабоев, Маҳамаджонов, Нурматов, Қулматов.