"Водий футболи": "Андижон" учун қора анъана давом этади

"Қўқон-1912": "Сўғдиёна"га қарши ўйинга тайёргарлик бошланди

Қўқоннинг "Қўқон-1912" жамоаси бугундан яна машғулотларга киришади. 23 июнь куни Ўзбекистон кубоги 1/8 финали жавоб баҳси доирасидаги "Сўғдиёна"га қарши ўйинга тайёргарлик бошланди. Зоминдаги учрашувда Жиззах клуби 1:0 ҳисобида ғалаба қозонишган эди.


"Нефтчи": Мурод Исмоилов борасида апелляция берилади

Фарғонанинг "Нефтчи" клуби олий лиганинг 13-туридан ўрин олган "Қўқон-1912"га қарши ўйиндан сўнг қисқа танаффусга чиққанди.

Бугун кечки пайт Мурод Исмоилов шогирдлари ўз қароргоҳида машғулот ўтказишади. Янги Зеландиядаги жаҳон чемпионатида қатнашган ёш ҳимоячи Достон Турсунов жамоа ихтиёрига қўшилди.

Эртага Тохир Кападзе Тошкентга бориб ПФЛ раҳбари Фарҳод Магометов қабулида бўлади. Ташрифдан мақсад ПФЛ томонидан Мурод Исмоилов борасида чиқарган қарорига нисбатан раддия бериш.


"Андижон": "Бунёдкор"га қарши қора анъана давом этди

Кеча олий лиганинг 13-туридан ўрин олган "Андижон" - "Бунёдкор" ўйин бўлиб ўтди. Учрашувда "лочинлар" 0:2 ҳисобида ютқазиб қўйишди. Жамоа ўз уйида ушбу рақиб билан саккизинчи ўйинда ҳам енга олмади.

Андижонда ўтган барча учрашувлар:
20.06.2015 «Андижон» - «Бунёдкор» 0:2
02.11.2014 «Андижон» - «Бунёдкор» 0:2
01.07.2012 «Андижон» - «Бунёдкор» 0:2
17.09.2011 «Андижон» - «Бунёдкор» 1:1
22.08.2010 «Андижон» - «Бунёдкор» 0:0
14.05.2009 «Андижон» - «Бунёдкор» 1:2
30.03.2008 «Андижон» - «Бунёдкор» 0:1
22.06.2007 «Андижон» - «Бунёдкор» 0:2