Владимир Бубанья: "Тезкор голимиз ўйин натижасини ҳал қилди. Жорий мавсум бошимиз узра кубок кўтариш насиб қилсин"

"Дерби ҳеч қачон осон бўлмайди. Биринчи бўлимдаги тезкор голимиз ўйин натижасини ҳал қилди деб ўйлайман. "Навбаҳор" дастлабки таймда вазиятлар ярата олди. Иккинчи бўлимда эса биз рақибдан устунроқ эканлигимизни исботладик. Ғалаба лойиқ эдик. Сўнги икки ойда жамоанинг натижалари яхши эмас эди. Кетма-кет дуранглар қайд этаётгандик. Ўз ўйимизда ҳам мағлуб бўлишга улгурдик. Бугунги учрашувга ўзгача иштиёқ бор эди. Ўтган мавсумда ҳам ўз ўйимизда "Навбаҳор"ни мағлуб этган эдик. Кейинги ўйинимиз кубок доирасида "Олимпик"га қарши бўлиб ўтади. Кубок мусобақаси ҳар доим ўзгача турнир бўлиб келган. Сабаби ушбу мусобақада кўпчиликнинг имкониятлари тенг. Про-лига ва Биринчи лига жамоалари ҳам кубок учун даъвогарлик қилишади. Мен 2018 йилда ОКМК билан Ўзбекистон кубогини қўлга киритганман. Жорий мавсум яна бир маротаба кубокни кўтариш насиб қилсин. Мухлисларимизга ҳам раҳмат айтаман. Улар Осиёда энг зўрлари" - дея фикр билдирди сербиялик футболчи