Владимир Андреев: "Ўйлайманки, кейинчалик ҳаммаси яхши бўлади"

- "Аввало шуни айтишим керак, биз ҳаракатда ва курашларда рақибга ютқаздик. "Бунёдкор" бизни асосан шу томонлама енгди. Мана иккинчи ўйиндирки майдонда кам ҳаракат қиляпмиз. Футболда жамоа доим ҳаракатда бўлиши керак, йўқса ютқазади. Афсус, бугун биз билан шундай бўлди".

- "Биринчи голни умуман ўтказиб юбормаслигимиз керак эди. Ўзимизга ўзимиз олиб келдик. Шундан сўнг ташаббус рақиб томонга ўтди. Ўйлайманки, кейинчалик ҳаммаси яхши бўлади, чунки таркибимиз яхши футболчилардан иборат ва биз ўзимизни кўрсата оламиз".

- Бугунги ўйинга қандай режа қўйгандингиз?
- Иккинчи жамоа сифатида ўйнашни мақсад қилгандик. Чунки сафарда "Бунёдкор"га қарши биринчи рақам бўлиб ўйнаш қийин. Биз қарши ҳужумларга эътибор қилишимизни билардик.

- Жамоангиз дарвозабони Асилбек Омоновнинг ўзини тутиши ҳақида нима дея оласиз?
- Дарвозабонларда характер оғир бўлади ва буни тўғри тушуниш керак. Аммо биз у билан алоҳида гаплашиб оламиз.