Витор Роке: "Барселона" - дунёнинг энг яхши клуби"

- "Барселона" Сизга қизиқиш билдирганида нималар ҳақида ўйладингиз?

- Аввалига ишонмадим. Кейин барчаси жиддийлашиб кетди. Дадам билан гаплашдим. Барчаси тасдиқланганидан кейин жуда хурсанд бўлиб кетдим, чунки орзум ушалганди.

- Сизни нималар ҳайрон қолдирди?

- Бутун ҳаётим давомида "Барселона"га мухилслик қилганман ва бу ерда ўйнаш орзум эди. Асосий кумирларим Ромарио ҳамда Неймар шу ерда ўйнашган ва тарих ёзишган. Ушбу либос билан жамоа шарафини ҳимоя қилиш жуда ёқимли бўлади.

- Фаолиятингиздаги янги босқич бошланмоқда. Мавсум якунига қадар нималарга эришишни мақсад қилгансиз?

- ЛаЛигада доимо юқори ўринда бўлишни истайман. ЕЧЛ ғолиблиги учун курашамиз. Чунки "Барселона"га ғалабалар кераклигини жуда яхши биламиз, - деди Роке.