Latest news

19:15Суперлига. “Насаф” — “Динамо” 0:0   0 19:12"Барселона" — "Алавес". Таркиблар маълум  8 19:04Рўзиқул Бердиев: "Афсуски, мавсум биз учун бир текис ўтмади"  3 18:46"Манчестер Сити" — "Лидс". Таркиблар маълум  5 18:36Суперлига-2025. "Пахтакор" кумуш, "Насаф" бронза медалига эга чиқишди  16 18:27Туркия Суперлигаси. "Ризеспор" ўз уйида мағлуб бўлди, Алиқулов захирада қолдирилди  2 17:59Вадим Абрамов: "Баъзи ўйинларимиз ижобий якун топганида ҳатто иккинчи ўринни олишимиз мумкин эди"  12 17:28Суперлига. Тарихда илк бор аёл ҳакам бошқарган ўйинда 6 та гол урилди   14 17:00Суперлига. "Насаф" ўз майдонида "Динамо" билан дуранг ўйнаб мавсумни учинчи ўринда якунлади  41 16:59Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади  59 16:35"Барселона" 126 йиллигини нишонламоқда: “Бир хил ранг, бир хил рамз, бир хил тарих"  14 16:18Ўртоқлик ўйини. Ўзбекистон аёллар терма жамоаси Эронни ишончли ҳисобда мағлуб этди  2 15:39ЖЧ-2026 гуруҳ босқичига қачон қуръа ташланади?  4 14:28"Бунёдкор" билан ўйинда "Андижон"ни ким мураббий сифатида бошлаб тушиши маълум  3 14:17"Андижон" ярим ҳимоячиси кейинги мавсумни "Бунёдкор"да ўтказади   4

Виталий Левченко: "Пахтакор"ни уйимизда қабул қилиб, мухлисларга ғалаба тақдим этамиз деган умиддаман" News

Виталий Левченко: "Пахтакор"ни уйимизда қабул қилиб, мухлисларга ғалаба тақдим этамиз деган умиддаман"

Суперлига 14-туридан ўрин олган "Қўқон-1912" – "Нефтчи" (3:3) баҳсидан сўнг фарғоналиклар устози фикрларини билдириб ўтди.

"Ўйлайманки, жамоалар чиройли ўйин кўрсатишди. Хабарингиз бор, "Қўқон-1912", "Нефтчи" ва "Навбаҳор" жамоалари ўртасидаги ўйинлар ҳамиша қизғин кечади. Мухлислар бугун 6 та гол гувоҳига айланишди. Сифатли футбол намойиш этилди. Шу боис хафа бўлмаймиз ва ўзига яраша хулоса чиқарамиз. 

Ўзбекистонда ўзимни уйимдагидек ҳис қиляпман. Тожикистон ва Ўзбекистон бир хил мамлакат, ҳеч қандай фарқ йўқ. Маданиятимиз, менталитетимиз ўхшаш. Мен меҳмонда эмас, ўз уйимдаман. Менга бу ерда анча қулай, мослашиш учун ҳам ҳеч қандай вақт керак эмас.

Трансферларга келсак, биз янги футболчиларни жалб қилдик. Бироқ бир муаммога дуч келдик, яъни фақат 5 нафар янги футболчини рўйхатдан ўтказишга рухсат берилгани боис имкон қадар ўзимиз эҳтиёж сезаётган позицияларда ўйнайдиган футболчиларни сафимизга қўшиб олдик. 

Аброр Исмоилов нега ўзгартирилди? Чунки у узоқ вақт давомида сафимизда эмасди. Унга мослашиб кетиш учун вақт керак. Ўйлайманки, у – асосий таркиб аъзоси.

Қизил карточка бўйича ҳакам қабул қилган қарор бўйича фикр билдира олмайман. У воқеага яқин ҳудудда эди. Менимча, унга VAR орқали ҳам хабар беришган. Бизга қийин бўлди, лекин бу – футбол.

Афсуски, футбол хатолардан иборат. Ким камроқ хато қилса, ўша ютади. Хатоларни муҳокама қилмоқчи эмасман. Биз дарвозабонимиз руҳий тушкунликка тушиб қолмаслиги учун уни қўллаб-қувватлашимиз зарур. Ҳамма ҳам хато қилади. Тўғри хулоса чиқарамиз.

Умид қиламанки, жамоамизнинг "Пахтакор"га қарши навбатдаги учрашуви ўз майдонимизда ўтади. Чунки буни мухлислар ҳам интизорлик билан кутишмоқда. Уларга раҳмат! Бугун ҳам бизни астойдил қўллаб-қувватлаб туришди. "Пахтакор"ни уйимизда қабул қилиб, мухлисларга ғалаба тақдим этамиз деган умиддаман", – деди Левченко.

Rating: +16   

Comments

championat.asia
< show latest news
Яндекс.Метрика