Виталий Левченко: "Ўйин тўлиқ бизнинг назоратимизда ўтди, аммо..."

Ўйин ҳақида

- Ўйин тўлиқ бизнинг назоратимизда ўтди. Ҳудудий жиҳатдан ҳам, тўп назорати борасида ҳам устун эдик. Жуда кўп вазиятлар яратдик,  аммо вазиятларни якунлашни уддалай олмадик. Ўйинга келсак, биз яхши учрашув ўтказдик. Вазиятларни якунлашда муаммолар бўлди. 

- Лутфулла Тўраев захирада қолдирилишига сабаб нима бўлди?

- Унда жароҳат бор эди. Биз унга жароҳат мураккаблаштириб кетмаслиги учун пауза беришга қарор қилдик. 

- Бугун нега грузиялик легионерлар асосий таркибда ўйинни бошлашмади. Улуғбек Ҳошимовни асосий таркибда майдонга туширса бўлмасмиди?

- Бу ерда бизнинг ёш футболчилар Олимпия терма жамоасида бўлишганини ҳисобга олиш керак. Улар жуда кўп ўйин ўтказишди. Мен уларни асосий таркибда яна майдонга туширганимда бу муаммо олиб келиши мумкин эди. Грузин футболчиларга келсак, биз футболчиларнинг ҳолатини кузатиб борамиз, асосий таркибда тушиш учун бунга муносиб бўлиш керак. Бу саволни уларга бериш тўғрироқ бўлади.

- Ижара асосида ҳаракат қилаётган Билолхон Тошмирзаев бош мураббийнинг ишончига сазовор бўлмоқда ва асосий таркибда майдонга туширилмоқда. Кейинги йилги режаларда у борми?

- У ёмон ўйин кўрсатмапяти. Бизнинг барча кўрсатмаларимизни бажаришга ҳаракат қилмоқда. Кейинги ҳаракатлар эса унинг ўзига боғлиқ. Билолхон ўзини қандай тутишига боғлиқ ҳаммаси.