Latest news

00:51Пеп Гвардиола: "Биз ҳали энг юқори даражамизда эмасмиз"  0 00:05Туркия. "Истанбул Башакшеҳир" Шомуродовнинг голи эвазига ғалаба қозонди  16 23:55Ямалнинг соғлиғида яна муаммолар бошланди  3 23:35Эрон. "Истиқлол" ишончли ғалаба қайд этди  0 23:18Верратти Доннарумма ҳақида: "У ҳафа бўлганди"  1 22:50Асрор Алиқулов: "Шўртан"да ким ишламасин ёки клубимизга ким алоқадор бўлмасин ҳамма ғалабани кутаётганди"  0 22:45Суперлига. "Шўртан" – ОКМК 4:3  0 22:28Миржалол Қосимов: "Агар имкониятим бўлганида футболчилар миясига кириб иккинчи таймга нима хаёлда чиқишганини билган бўлардим"  4 22:10Гвардиола Родри ва Холанднинг ҳолати ҳақида маълумот берди  0 21:53Саудия Арабистони. "Ал Ҳилол" ғалаба қозонди  0 21:31"Шўртан" 4 ой деганда ғалабага эришди  2 21:13Нидерландиялик мутахассис "Бунёдкор" футбол академиясига ташриф буюрди  1 20:51БАА. "Бани Яс" дуранг қайд этди, Шукуровдан ассист  2 20:29Суперлига. "Шўртан" голларга бой ўйинда ОКМКни мағлуб этди  44 19:59"Реал" Хаби Алонсо хоҳишига биноан "Энфилд"да жамоавий машғулот ўтказмайди  20

Виталий Левченко: "Жамоага яна бир сифатли ҳужумчи жалб қилмоқчи эдик, аммо бундай ҳужумчиларни Ўзбекистонда ўйнашга кўндириш осон кечмади" News

Виталий Левченко: "Жамоага яна бир сифатли ҳужумчи жалб қилмоқчи эдик, аммо бундай ҳужумчиларни Ўзбекистонда ўйнашга кўндириш осон кечмади"

Coca Cola Суперлигаси биринчи туридан ўрин олган "Металлург" – "Нефтчи" (0:3) учрашувидан сўнг меҳмонлар бош мураббийи Виталий Левченко матбуот анжуманида қатнашди.

Ўйин ҳақида

- Бугун одатий баҳор ўйини бўлди. Жисмонан биз ўйинга тайёр эдик, сабаби биз мавсумга яхши тайёргарлик кўрдик, сифатли йиғинлар ўтказдик. Бизда рақиб "Металлург" жамоасининг Тошкентда ўтказган барча ўртоқлик учрашувлари борасидаги маълумотлар бор эди. Ушбу маълумотларни таҳлил қилдик, тўғри фойдаландик. Бугун ўзимизнинг кучли тарафларимизни кўрсатдик ва ғалаба қозондик. 

- Мавсумдаги биринчи ғалаба билан табриклайман. Ўтган мавсум "Нефтчи" барқарор ўйин кўрсатганди. Бу йил жамоага раҳбарият томонидан қандай вазифа қўйилди? Кейинги саволим шундан иборатки, мураббий мавсум оралиғида жалб қилинган янги футболчилардан қониқдими?

- Вазифага келсак, бизда доим юқори марралар кўзланган. Ҳокимимиз ҳам амбициялари юқори инсон ҳисобланади. Шу сабаб ҳам бизга энг юқори вазифа қўйилади. Ҳар бир ўйинда ғалаба қозонишни мақсад қилганмиз. Футболчилар масаласига келсак, кузатган бўлсангиз жамоамиз ўз асосини сақлаб қолган. Янги футболчиларни таркибимизга қўшиб олдик. Улар биз бироз кучсиз деб ўйлаган позицияларга жалб этилди. Қисқа қилиб айтганда, мен таркибга янги қўшилган футболчилардан қониқдим. Улар ҳар бир ўйинда қўшиб боришларига ишонаман. Биринчи турда қўпроқ барибир эмоциялар ва жисмоний кураш биринчи планга чиқди. Келгусида жамоа оптимал формага чиқиб олишига ишонаман. 

- Лутфулла Тўраев қайдномага киритилмади. Унинг аҳволи ҳақида маълумот берсангиз...

- Лутфулла ҳозир ўзини яхши ҳис қилмоқда. Тўраев тахминан яна бир ойдан сўнг умумий жамоага қўшилиши мумкин бўлади. Операция муваффақиятли кечди. У тикланиш жараёнининг дастлабки босқичини Туркияда ўтказди. Лутфулла жароҳатини тиклаб, оптимал формасини тиклаб олгандан сўнг жамоага қўшилади. 

- Бугунги ғалабада мухлисларнинг ўрни қандай бўлди?

- Мухлисларимизга миннатдорчилик билдириб қоламан. Улар бизни доим қўллаб-қувватлашади. Уй ўйинларида улар анча кўпроқ бўлишларига ишонаман. "Нефтчи" мухлисларидан Собиқ Иттифоқ давридан бери барчага маълум бўлган мухлислик маданиятини кутиб қоламиз. "Нефтчи" мухлислари футболни севишади ва яхши тушунишади. 

- Анвар Ғофуровнинг жароҳати ҳақида гапирсангиз...

- Анвар ҳам операция ўтказди. Бу унинг эса жароҳати билан боғлиқ экан. Ҳозир у югуришни бошлаган ва формасини такламоқда. 

- Шаҳзод Убайдуллаев ва Обрадович жамоадан кетгандан сўнг ҳужум чизиғига Бобожонов ва Табатадзе олиб келинди. Бугун асосий таркибда Табатадзе майдонга тушди. Асосий ҳужумчи сифатида кимни кўряпсиз? 

- Ҳа, биз жамоага Табатадзени олиб келдик. Яна бир сифатли футбол қидиргандик. Бизга сифатли ўйинчилар керак. Шаркичдан ҳам шу сабаб воз кечдик. Унда ўйин амалиёти кам эди, Оливер ярим йил футбол ўйнамаганди. Биз шу сабаб яна бир сифатли ҳужумчи қидиргандик, аммо бунинг иложи бўлмади. Яхши ҳужумчиларни Ўзбекистонда ўйнашга кўндириш осон кечмади. Бу ишни энди ёзда ҳал қиламиз. Айнан юқоридаги сабаб туфайли биз жамоага маҳаллий ўйинчини жалб қилдик. Бобожоновни "Сурхон"даги ўйинлари орқали биламиз. У бизнинг йиғинларга кечроқ қўшилди ва шу сабаб ҳам оптимал формага киришига бироз вақт талаб қилинади. 

Rating: +19   

Comments

championat.asia
< show latest news
Яндекс.Метрика