Виталий Левченко: "Энг зўр мухлислар водийда"

- Дастлаб ўйин ҳақида фикрингиз?

- Бугун ҳақиқий футболга мос муҳит бўлди. Стадионга жуда кўп мухлислар ташриф буюрди. "Навбаҳор"га қарши қийин баҳсни ўтказдик. Ғалаба қозонишимиз осон бўлмади. Ғалаба билан жамоамиздаги барчани табриклайман. Ишлашда давом этамиз, чемпионат ҳали тугагани йўқ.

- Нима деб ўйласиз, легионерлар ўзларини яхши ҳис қиляптими?

- Биз шундай йўл тутяпмизки, жамоада ҳеч кимни ажратаётганимиз йўқ. Шунингдек, легионерлар ҳам бу ерда ўзларини эркин ҳис қилишлари учун ёрдам беряпмиз. Жамоада рақобат бор ва бу жуда яхши. Ким кучли бўлса, ўша ўйнаяпти.

- "Нефтчи" чемпионлик учун курашадими?

- Биз майдонга чиқиб ўз ўйинимизни кўрсатамиз ва ҳар бир рақиб билан кураш олиб борамиз. Шунчаки футбол ўйнамаймиз. Лекин чемпион бўлишимизни вақт кўрсатади.

- Бугунги мухлислик даражасини 10 баллик тизимда қандай баҳолаган бўлардингиз?

- Бемалол айтишим мумкин, водийнинг ҳар учала клуби - "Андижон", "Навбаҳор" ва "Нефтчи"да мухлислик даражаси жуда юқори. Энг кўп мухлислар ҳам, энг зўр мухлислар ҳам шу ерда. Водийда ажойиб ишқибозлар бор, бунга қойил қолиш керак.