Виталий Легай: "Ҳар бир ўйиндан кейин янада қийинроқ вазиятга тушиб қоляпмиз."
22 oct 2016 18:56
News

Виталий Легай: "Ҳар бир ўйиндан кейин янада қийинроқ вазиятга тушиб қоляпмиз."

"Андижон" - "Металлург" (0:0) учрашувидан сўнг мезбонлар мураббийи Виталий Легай ўз фикрларини билдирди.

"Ўйин тенг бўлди ва натижа ҳам адолатли бўлди. Бизга ғалаба жуда зарур эди, аммо бўлар иш бўлди. Айтишадику ғалаба жамоаники, мағлубият мураббийники. Биз олий лигада қолиш учун охиригача курашамиз.

Ўзимиз шундай аҳволга тушиб қолдикми, ўзимиз ундан чиқиб кетишимиз керак.

Ҳар бир ўйиндан кейин қийинроқ вазиятга тушиб қоляпмиз. Аммо имконият бор экан курашаверамиз.

Андрей Бугняк оилавий сабаблар туфайли ўз юртига жўнаб кетди. Денис Илеску эса руҳий томонлама ўзини яхши ҳис қилмаяпти. Шу боис майдонга тушмади. Кетма-кет мағлубиятлар унга қаттиқ таъсир кўрсатди", - дейди Легай.

"Андижон" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: -5