Веско Стешевич: "Чемпионатнинг бу даврида 4 та баҳсда 10 очко тўплаш катта машаққат талаб қилади"
05 oct 2023 23:21
News

Веско Стешевич: "Чемпионатнинг бу даврида 4 та баҳсда 10 очко тўплаш катта машаққат талаб қилади"

"Турон" - "Металлург" учрашувидан сўнг меҳмон жамоа устози Веско Стешевич матбуот анжуманида иштирок этди.

- Ўйин ҳақида фикрингиз...

- Икки хил тайм гувоҳига айландик. Биринчисида "Турон" яхши ҳаракат қилди ва гол бўлиши вақт масаласи эди. Бу жараён содир бўлди. Бироқ иккинчи таймда ҳаммаси ўзгарди. Йигитларни табрикладим. Сўнгги 4 та ўйинда 10 очко тўпладик.

- Бугунги баҳсда "Металлург" дурангга розидек ўйнади...

- Ғалаба қозонишни истагандик, биринчи бўлимда Ортиқов бизни голдан қутқарди. Кўпчилик ғалабани кутганди. Чемпионатнинг бу даврида 4 та баҳсда 10 очко тўплаш катта машаққат талаб қилади.

- Иван Йосович анчадан бери майдонга тушмаяпти. У қачон сафга қайтади?

- Унда жароҳат бор, кичик танаффусдан сўнг сафга қайтади, деб ўйлайман.