Василий Уткин ЖЧ-2018даги битта ўйин учун 90 млн сўм гонорар олди

Эслатиб ўтамиз, мундиал стартидан аввал Уткин ЖЧ-2018дан тушадиган пулни хайрия фондига ўтказишини маълум қилган эди.

Уткин Испания ва Португалия терма жамоалари ўртасидаги гуруҳ босқичининг 1-тур учрашувини (3:3) шарҳлади, шундан сўнг "Биринчи канал" у билан ҳамкорликни тўхтатди.

"Жаҳон чемпионати учун "Биринчи канал"дан пул тушди. Бу қанчалигига қизиқдим. Ўз ватанимда ўтадиган мундиални шарҳлашни сўрашга улгурмасимдан таклиф юборишди.

Кутилганидан камроқ ўйин шарҳладим. Битта баҳс. Бу менинг чемпионатим бўлди. Битта учрашув. 783 минг рубль (90 млн. 99 минг 810 сўм - расмий курс бўйича).

Кимгадир битта репортаж учун кўпроқ тўлашса айтинг. Жон Сноу каби тиззаларимни эгаман. Ундан ҳам аълороқ қилиб. Ҳозирча бу рақамда камчилик бор. Сонлар чиройли эмас. Мен кўпроқ тер тўкмоқчи эдим. Ҳа, "YouTube"да ҳам бироз пул ишладим. Ҳаммасини ҳисобласак миллионга етади. Ҳафта охиригача пуллар юборилади" - дейди Уткин.