VAR Линделёфнинг қизил карточкасини бекор қилди

Учрашувнинг 82-дақиқасида МЮ ҳимоячиси Виктор Линделёф қўпол ўйини учун ҳакам томонидан қизил карточка билан “сийланди”. Аммо учрашувни бошқариб борган Мартин Аткинсон видеотакрор тизимидан фойдаланиб, ўша вазиятни қайта кўриб чиқди ва швециялик ҳимоячининг қизил карточкасини сариққа алмаштирди.

Видеотакрор тизими Англия Кубоги беллашувларида қўлланилиб келинмоқда. Аммо VAR тизими фақат премьер лигада қатнашаётган жамоаларда ўрнатилган.  Кеча Англия кубоги доирасида ўтказилган “Суонси”-“Манчестер Сити” (2:3) баҳсида ҳакамлар Серхио Агуэро томонидан “офсайд”дан урилган голни инобатга олишди. Чунки чемпионшипда иштирок этаётган “Суонси” клуби стадионида ҳозирча видеотакрор тизимидан фойдаланиш имкони йўқ.