Ван Дейк АПЛда охирги тўртта ўйинда 154 та учрашувда қилмаган хатони қилди

Статистик маълумотлар билан шуғулланувчи Opta Jose таҳлилларига кўра, “Ливерпуль” ҳимоячиси Виржил ван Дейк АПЛнинг сўнгги тўртта учрашувида ўз дарвозасига тўп киритилишига сабаб бўлган иккита хатога йўл қўйди. Бу унинг АПЛ баҳсларида дастлабки 154 та ўйиндаги хатоларидан кўпроқдир.

“Лидс”га қарши беллашувдан кейин “Ливерпуль” ўз майдонидаги мағлубиятсиз серияни 60 тага етказиб олди. 2017 йил апрелидан буён давом этаётган ушбу серияда Клопп жамоаси 49 та ғалаба, 11 дурангга эришган.

АПЛ навбатдаги турида “Ливерпуль” “Челси” билан куч синашади. Учрашув 20 сентябрь куни бўлиб ўтади.