Валентин Коваленко U-16 ўсмирлар ўртасидаги Осиё Чемпионатида ишлайди

Осиё Футбол Конфедерацияси шу йилнинг 6-20 сентябрь кунлари Таиланд мамлакати мезбонлик қиладиган U-16 ўсмирлар ўртасидаги Осиё Чемпионатида ишлайдиган ҳакамлар номини эълон қилди. Унга кўра, ўзбекистонлик ФИФА рефериси Валентин Коваленко бошчилигидаги ҳакамлар бригадаси ОЧда ишлайдиган ҳакамлар қаторидан ўрин олди. Осиё Чемпионати баҳсларида Коваланкога қанотларда ФИФА лайнсменлари Рафаел Илёсов ва Жаҳонгир Саидовлар ёрдам беришади.

Эслатиб ўтамиз, 6-20 сентябрь кунлари Таиландда бўлиб ўтадиган U-16 ўсмирлар ўртасидаги Осиё Чемпионати финал босқичида 1998 ва ундан кейинги йилларда туғилган футболчилардан иборат Ўзбекистон U-16 ўсмирлар терма жамоаси ҳам иштирок этади.