"Валенсия" президенти "Атлетик" билан ўйиндаги ҳакамнинг кечирим сўрашини талаб қиляпти

"Кўршапалаклар" сафидагиларнинг ҳисоблашича, Фернандо Тейшера Витьенес ўзининг хатолари билан жамоани ғалабадан маҳрум қилди. Ўйин 1:1 ҳисобида якунланди, "Валенсия" эса 90 дақиқагача ҳисобда олдинда эди. 82 дақиқада Витьенес Отамендини қўпол ўйин кўрсатгани учун четлатди ва "Валенсия" президентининг ҳисоблашича, бу хато ва Адуриснинг 90 дақиқада урган голи ҳам офсайддан урилган.

"Витьенес кечирим сўраши керак. Адурис гол урганида офсайд бор эди. Бу биз билан ва бошқа жамоа билан қайтарилмайди" - дейди клуб президенти.