“Валенсия” 2008 йилдан буён илк марта соврин ютди

Испания кубоги финалида “Валенсия” “Барселона”ни (2:1) мағлуб этди.

“Кўршапалаклар” 2008 йилдан буён илк марта совринга эга чиқишди. Сўнгги марта улар айнан ўша йили Қирол Кубогида ғолиб чиқишганди. Қизиғи ўшанда ҳам улар “Барселона”ни ютиб (финалда эмас, ярим финалда) кейинчалик ғолиблик шоҳсупасига кўтарилишган эди.

“Валенсия” ўз тарихида 8-бор Испания кубогини қўлга киритди.